• Imprimeix

Sus eth portau

Eth Govèrn dera Generalitat de Catalonha s'anticipèc ara aprobacion dera Lei 19/2014, de 29 de deseme, de transparéncia, accès ara informacion publica e bon govèrn en tot crear eth portau dera transparéncia en junh de 2013. Aquera iniciatiua daue compliment a un des principaus engatjaments assumidi en document Proposicions e reflexions en matèria de transparéncia e regeneracion democratica, resultat des dues reünions sus regeneracion democratica impulsades peth president dera Generalitat e celebrades eth 6 e eth 22 de hereuèr de 2013 damb era participacion des institucions de garanties existentes en Catalonha.


En començament, eth portau difonec era informacion tanhenta ara contractacion publica, ath seguiment deth Plan de Govèrn e as retribucions des nauti cargues des departaments dera Generalitat e deth sòn sector public. Dempús, en responsa as engatjaments aqueridi peth Govèrn, se tramitèc era Lei de transparéncia.
Frut der esfòrç amiat a tèrme peth Govèrn entà arténher era maximala transparéncia ena Administracion dera Generalitat, Catalonha obtenguec era puntuacion mès nauta der indèx de transparéncia des comunautats autonòmes (INCAU), hèt public eth 17 de junhsèga de 2014 pera organizacion non governamentau Transparencia Internacionau (TI).


Eth portau dera transparéncia ei estat objècte d’un procès de redimensionament entà includir eth gran nombre de donades qu'era Lei 19/2014 exigís. Atanben, era Administracion dera Generalitat contunhe de trabalhar intensaments entà compdar damb un portau qu'aufrisque ua informacion complèta e de qualitat.
Tre eth prumèr moment, eth portau tanben incorpòre un formulari electronic entà facilitar as ciutadans era presentacion de sollicitacions d’accès ara informacion publica.

Donades estadistiques des visites ath web e des pagines mès consultades. Es rapòrts qu’arremassen es donades trimesadèraments.

4r. Trimèstre 2016

Indicadors basics

Pàgines mès visitades

 

Actualizacion: trimesadèra.

Hònt des donades: Departament de Governacion e Relacions Institucionaus.

Format des donades: Pdf.

 

Data d'actualització:  03.01.2017