• Imprimeix

Plan estrategic

Per Acòrd deth Govèrn s’a aprovat, en data 7 de junhsèga de 2015, eth Plan estrategic de politiques de transparéncia dera Generalitat de Catalonha 2015-2017, impulsat peth Departament de Governacion e Relacions Institucionaus e coordinades peth Comissionat entara Transparéncia e er Accès ara Informacion Publica.

Ena elaboracion deth Plan estrategic se son engatjadi toti es departaments dera Generalitat de Catalonha e es organismes e es entitats que ne depenen, entà determinar es tòques e eth dessenh des accions qu’an de hèr realitat es relacions entre es ciutadans e es quites institucions dera societat dera transparéncia e eth bon govèrn.

Eth Plan s’estructure en sies grani èishi (impuls dera transparéncia ena activitat publica, accès ara informacion publica, bon govèrn, foment deth govèrn dubèrt e era participacion ciutadana, responsabilitat e mesures de foment d’aplicacion dera Lei, e formacion, divulgacion e sensibilizacion) e especifique eth calendari e eth pressupòst que s’impute a cada ua des tòques. Tant es contenguts deth Plan coma era avaloracion annau deth sòn grad de compliment se publiquen en portau dera transparéncia.